ஐ.நா.வுக்கு போகிறோம் என பயம் காட்டவேண்டாம். அதனை பேசி தீர்க்கலாம் என மன்னார், முல்லைத்தீவு மாவட்ட அபிவிருத்திக் குழுத் தலைவரும், வன்னி மாவட்ட பாராளுமன்ற உறுப்பினருமான காதர் மஸ்தான் தெரிவித்தார்.
வவுனியா நகரசபை மண்டபத்தில் நடைபெற்ற பொதுஜன பெரமுன கட்சியின் 4வது ஆண்டு நிறைவு மாநாட்டில் கலந்துகொண்டு கருத்து தெரிவிக்கும் போதே அவர் இவ்வாறு குறிப்பிட்டார்.
இது தொடர்பாக அவர் மேலும் கூறுகையில்,
நாம் எது செய்தாலும் எதிர்கட்சி பிழையாகத் தான் கூறுவார்கள். இப்போது ஐ.நாவுக்கு போகிறோம் என பயம் காட்டுகிறார்கள். எமது ஜனாதிபதி தெளிவாக இருக்கிறார். இது பல் சமூகம் வாழும் நாடு. பல பிரச்சினைகள் இருக்கும். அதனை பேசி தீர்க்கலாம் என்றார்.
இம்முறை ஐ.நா. மனித உரிமை ஆணையத்தில் இலங்கை முஸ்லிம்களின் ஜனாஸா எரிப்பு விவகாரம் மற்றும் வலிந்து காணாமலாக்கப்பட்டோர் விவகாரம் மிகவும் சூடு பிடிக்கும் என்றிருக்கும் நிலையிலேயே இவர் இவ்வாறு கூறியிருக்கிறார் என்பது குறிப்பிடத்தக்கது.
No comments:
Post a Comment