Tuesday, August 3, 2021

ஒரு ஆசிரியரின், உருக்கமான பதிவு


வாழ்க்கையில் தீர்மானங்கள் முக்கியமானது, உயர் தரப் பரீட்சை முடித்தவுடன் ஏக காலத்த்தில் இரண்டு கடிதங்கள் ஒன்று அட்டாளைச்சேனை தேசிய கல்வியல் கல்லூரிற்கு தெரிவு செய்யப்பட்ட கடிதம் .அடுத்தது கொழும்பு பல்கலைக்கழகத்தின்  யூனானி மருத்துவ பீடத்திற்கு தெரிவு செய்யப்பட்ட கடிதம் .எதைத் தீர்மானிப்பது .கொழும்பு பல்கலைக்கழகம் வீட்டில் இருந்து 35 கிலோமீட்டர் தூரத்தில் உள்ளது அட்டாளைச்சேனை வீட்டில் இருந்து 250 Km தூரத்தில் உள்ளது .கல்வியல் கல்லூலூரி டிப்ளோமா பாடநெறி ,அடுத்தது பட்டப்படிப்பு .அதுவும் யுத்தம் நடக்கும் காலப்பகுதி எதை தீர்மானிப்பது .எனது தந்தை இரத்தினக் கல் வியாபாரி வேறு தீர்மானங்களும் எடுத்திருக்க  முடியும் இத்தனையையும் மீறி கல்விக் கல்லூரி செல்ல தீர்மானித்தமை .வாழ்க்கையில் ஒரு பெரிய தீர்மானம் .ஆசிரியர் தொழிலை விரும்பி மனப்பூர்வமாக தேர்வு செய்தேன் .

கல்லூரி முடிந்தவுடன் கொழும்பில் ஒரு பிரபல பாடசாலை அதிபர் தொடர்பு கொண்டு அங்கு வருவதற்கு எனது விருப்பக் கடித்த்தை கேட்டார் .(என்னைப் பற்றி ஒரு மிகையான Recommendation எனது கலரலூரி விரவுரையாளர் ஒருவரால் கொடுக்கப்பட்டிருந்தது.)கல்லூரியில் திறமை சித்தி என்பதால் கட்டாயம் தேசிய பாடசாலைக்கு செல்ல வேண்டிய நிர்பந்தம் .பேருவளை ,கொழும்பு இதில் எதைத் தெரிவு செய்வது .பேருவளைக்கு குறிப்பாக சீனங்கோட்டைக்கு பெரிதும் கடமைப்பட்டிருந்தேன் ஏனெனில் எனது தந்தைக்கு கஹவத்தையில் (இரத்தினபுரி) உள்ள இரத்தினக் கல் கடையை 17 வருடங்கள் எந்தக் கூலியும் இன்றி பேருவளை தனவந்தர் ஒருவர் வழங்கியிருந்தார் .எமது குடும்பம் செழிப்பாக வாழ்வதற்கு அது பெரிய உதவியாக இருந்தது .மிகுந்த விருப்பத்துடனே அல் ஹுமைசரா தேசிய பாடசாலைக்கு ஆசிரியராக சென்றேன் .

திருமணம் முடிக்க முன் 4B15=  சம்பளத்தை பெற்ற எனக்கு தொழில் வருமானம் ஒரு பெரிய சுமையாக தெரியவில்லை.

 ஆனால் 16 வருட குடும்பவாழ்க்கையில் இந்த சம்பளத்தில் வாழ்ந்தது என்பது இறை அருள் .பல்வேறுபட்ட சமூக செயற்பாடுகளில் ஈடுபட்டதால்  பெரிதாக பிரத்யேக வகுப்பு செய்யவும் நேரம் இருக்கவில்லை ,இப்போது ஓரளவு பிரத்யேக வகுப்புகள் செய்கிறேன்.

என்னிடம் ஒரு மோட்டார் சைக்கிள் இருந்தது.அதனை உயர்தர மாணவர்கள் அடிக்கடி பகிடி செய்வார்கள் Sir Bike ஐ மாற்றுங்கள் .பாவம் அவர்களுக்கு எங்களது சம்பளம் தெரியாது .Bike ஐ மாற்றுவது எப்படிப் போனாலும் Service செய்வதற்கு சில நேரம் கையில் பணம் இல்லை .அந்த Bike ஐ வாங்குவதற்கு பட்டபாடு அவர்களுக்கு தெரியாது .ஆசிரியர்களுக்கு உரிய அப்பாவி புன்னைகையுடன் சமாளிப்பது வழக்கம் .

ஒன்றாக கற்பித்த ஒவ்வொரு ஆசிரியரும் வாழ்க்கை தேவைகளை நிவர்த்தி செய்வதற்கு படும் துன்பங்களை ஒரு புத்தகமாக எழுதலாம் .ஆனால் இவை எல்லாவற்றையும் மீறிய ஒரு ஆத்ம திருப்தி இந்த தொழில் இருந்தது நல்ல சம்பளம் உள்ள வேறு தொழில்களுக்கு செல்வதற்கு சந்தர்ப்பங்கள் பல கிடைத்தும் செல்லவில்லை .

இப்போது எல்லாம் தூளாகி விட்டது சம்பளத்தை வழங்குவது எப்படிப் போனாலும் .இந்தக் கழடுகளின் வார்த்தைகள் மனதை புன்படுத்துகிறது .#இது #எங்கள் #பிரச்சினை #இல்லை என்று எப்போது பொறுப்புவாய்ந்த அமைச்சர் கூறினாரோ உணர்வு பூர்வபாக தொழிலை எடுத்த நாம் தனிமைப்படுத்தப்பட்டுள்ளதாக உணர்கிறோம் .

சம்பள உயர்வை விட எமது கெளரவம் முக்கியமானது .நாம் பணியாற்றும் போது எவ்வளவு சம்பளம் என்பது எமது உள்ளத்தில் தோன்றவில்லை .மூன்று வருடமாக இருதய நோய் உள்ள ஒரு தாயின் பிள்ளையை பல் தீட்டி விட்டதை இன்று எழுதும் வரை சக ஆசிரியர்களுக்கு கூட தெரியாது .அவன் இப்போது பெரிய இளைஞன் நல்ல தொழில் செய்கின்றான் சில மாதங்களுக்கு முன் பேருவளையில் ஒரு கடையில் டீ குடித்துக் கொண்டு இருக்கும் போது வந்தான் Sir ! எனக் கூறி அழ ஆரம்பித்தான் .நீண்ட காலம் என்பதால் எனக்கு அவனது பெயரும் மறந்திருந்தது.அவன் சொன்ன வார்த்தை  எனது இன்னும் பல ஆசிரிய நண்பர்களின் பெயர்களைக் கூறி சொன்னான் நீங்கள் எங்களைக் கை விட்டிருந்தால் எமக்கு வாழ்க்கை இல்லை .இந்த தொழிலை நாம் சம்பளத்திற்கு செய்யவில்லை .

ஒரு முறை இல்ல விளையாட்டு போட்டியில் ஒரு மாணவரின் கால் உடைந்தது .நானும் ஆசிரிய நண்பர் அஷ்கர் அஹமடும் உடனடியாக களுத்துறை வைத்தியசாலைக்கு கொண்டு சென்றோம் .பெற்றோர் மாலை 6 மணி வரை வரவில்லை இருவரும் அப்படியே பகல் உணவு கூட இன்றி வைத்தியசாலையில் இருந்தோம் மாலையில் பெற்றொர் வந்த போது எமக்கு கோபம் வரவில்லை இன்று வரை நாம் பசியில் இருந்ததை சொல்லவும் இல்லை .

இத்தகு கண்ணியமான தொழிலை அந்தக் கிழடுகள் மாசுபடுத்தி விட்டனர் .இனியும் இந்த தொழில் செய்வது கடினமானது வேறு தீர்மானங்களை நோக்கி நகர்வது தவிர்க்க முடியாதது.

எம்.என் முஹம்மத் .

அவர் வருவாரா..?


இலங்கையின் அரசியல் குடும்பமொன்றை சேர்ந்த நன்கு கல்விகற்ற இளைஞர் ஒருவரை பரந்துபட்ட அரசியல் கூட்டணி மூலம் அரசியலிற்கு கொண்டு வருவதற்கான முயற்சிகள் இடம்பெறுகின்றன என ஐக்கிய மக்கள் சக்தியின் நாடாளுமன்ற உறுப்பினர் குமார வெல்கம தெரிவித்துள்ளார்.

எனினும் அந்த இளைஞர் முன்னாள் ஜனாதிபதி சந்திரிகா குமாரதுங்கவின் மகன் விமுக்தியா என்பதை உறுதி செய்ய குமார வெல்கம மறுத்துள்ளார்.

தற்போதைய அரசாங்கத்திற்கு எதிரான கூட்டணி உருவாக்கப்படும் என அவர் தெரிவித்துள்ளார்.

புதிய கூட்டணியை உருவாக்குவது குறித்து அரசியல் கட்சிகள் சிவில் சமூக பிரதிநிதிகளுடனான கலந்துரையாடலின் பின்னர் அவர் இதனை தெரிவித்துள்ளார்.

எதிர்காலத்தில் மிகச்சிறந்த தலைவர் ஒருவர் வரவுள்ளார்,நாங்கள் உருவாக்கவுள்ள இந்த கூட்டணி மூலம் நன்கறியப்பட்ட அரசியல் குடும்பத்தை சேர்ந்த கல்விகற்ற இளைஞர் ஒருவரை நாங்கள் அரசியலில் அறிமுகப்படுத்த திட்டமிட்டுள்ளோம் என குமார வெல்கம தெரிவித்துள்ளார்.”

அவர் குறிப்பிட்டது முன்னாள் ஜனாதிபதி சந்திரிகா குமாரதுங்கவின் மகனையா என பத்திரிகையாளர்கள் கேள்வி எழுப்பியவேளை அது எதிர்காலத்தில் தெரியவரும் என குமார வெல்கம குறிப்பிட்டுள்ளார்.

யூரியா உள்ளிட்ட சில வகையான இரசாயன உரங்களை இறக்குமதி செய்ய அனுமதி


எதிர்வரும் பெரும்போக பயிர் செய்கைக்காக யூரியா உள்ளிட்ட சில வகையான இரசாயன உரங்களை இறக்குமதி செய்ய அனுமதிக்கும் வர்த்தமானி அறிவித்தலை நிதி அமைச்சர் பசில் ராஜபக்ஷ, வெளியிட்டார்.

அனுமதிப்பத்திரம் உள்ளவர்கள், யூரியா, கல்சியம் கார்பனேட் அல்லது இதர கனிமமற்ற உரங்கள், சூப்பர் பொஸ்பேற் மற்றும் நைட்ரஜன், பொட்டாசியம் மற்றும் பொஸ்பேற் ஆகிய இரண்டு அல்லது மூன்று மூலக்கூறுகளைக் கொண்ட நைட்ரேட் கலவைகளை இறக்குமதி செய்ய அனுமதிக்கப்படுவார்கள்.

இரசாயன உரங்களின் இறக்குமதியை தடை செய்ய முதலில் வெளியிடப்பட்ட வர்த்தமானி அறிவித்தலை திருத்தி நிதி அமைச்சர் புதிய வர்த்தமானி அறிவித்தலை வெளியிட்டுள்ளார் என்பது குறிப்பிடத்தக்கது.

இரத்தினபுரி வைத்தியசாலைக்குள் அவசர, அனர்த்த நிலைமை பிரகடனம்


இரத்தினபுரி வைத்தியசாலைக்குள் அவசர அனர்த்த நிலைமை பிரகடனப்படுத்தப்பட்டுள்ளது.

கொரோனா வைரஸ் தொற்றின் காரணமாகவே அவசர அனர்த்த நிலைமை பிரகடனப்படுத்தப்பட்டுள்ளது என வைத்தியசாலை பணிப்பாளர், அறிவித்தல் விடுத்துள்ளார்.

வைத்தியசாலையில் சகல பணியாளர்களுக்கும் இதுதொடர்பில் எழுத்து மூலமாக அறிவுறுத்தப்பட்டுள்ளது.

இரத்தினபுரியில் கண்டுபிடிக்கப்பட்ட உலகின் மிகப்பெரிய நீலக் கல் போலியானதல்ல - தங்க ஆபரண அதிகார சபை


இரத்தினபுரி மாவட்டத்தில் கண்டுபிடிக்கப்பட்ட உலகின் மிகப்பெரிய நீலக் கல் கொத்தணி போலியான ஒரு கல் அல்ல என தேசிய இரத்தினக்கல் மற்றும் தங்க ஆபரண அதிகார சபையின் தலைவர் திலத் வீரசிங்க தெரிவித்துள்ளார்.

அது மில்லியன் கணக்கான வருடங்களாக சேர்ந்த பெறுமதியான இரத்தினகல் கொத்தணி என அவர் குறிப்பிட்டுள்ளார்.

பல தசாப்தங்களாக தன்னால் சேர்த்து வைக்கப்பட்ட இரத்தினகல் தொடர்பான மற்றும் அனுபவத்தில் இது மிகப்பெரிய பெறுமதியான கல் என தான் நம்புவதாக அவர் குறிப்பிட்டுள்ளார். அத்துடன் அதன் விலை தொடர்பில் அதன் உரிமையாளரே மதிப்பிட வேண்டும் என அவர் கூறியுள்ளார்.

அதனை மதிப்பிடுவதற்கான எந்த உரிமையும் தேசிய இரத்தினக்கல் மற்றும் தங்க ஆபரண அதிகார சபைக்கு இல்லை என அவர் குறிப்பிட்டுள்ளார்.

2000 மில்லியன் டொலர் பெறுமதியானதென அதன் உரிமையாளர் கமகேயினால் கூறப்பட்டுள்ளது. எனினும் அதன் தன்மை, வகை மற்றும் நிறை தொடர்பான அறிக்கை வெளியிடும் நடவடிக்கை மாத்திரமே தேசிய இரத்தினக்கல் மற்றும் தங்க ஆபரண அதிகார சபையினால் மேற்கொள்ளப்படும் என அவர் மேலும் தெரிவித்துள்ளார்.

கொவிட் தடுப்பூசி செலுத்திக்கொண்ட சஜித்


எதிர்க்கட்சித் தலைவர் சஜித் பிரேமதாச கொவிட் தடுப்பூசி செலுத்திக் கொண்டுள்ளதாக தெரிவிக்கப்படுகின்றது. 

தனது முகப்புத்தகத்தில் பதிவு ஒன்றை பதிவிட்டு அவர் இதனை தெரிவித்துள்ளார். 

கொவிட் தொற்றுக்குள்ளான சந்தர்ப்பத்தில் சிகிச்சை அளித்த வைத்தியர்களின் அறிவுறுத்தலின் அடிப்படையில் தடுப்பூசி செலுத்திக் கொண்டதாக அவர் தெரிவித்துள்ளார். 

கொவிட் தடுப்பூசி செலுத்தவில்லை எனில் மீண்டும் குறித்த தொற்றுக் உள்ளாக வாய்ப்பிருப்பதாகவும் அதனால் உயிருக்கு ஆபத்து இருப்பதாகவும் தனக்கு வைத்தியர்கள் கடுமையாக எச்சரித்ததாக அவர் தெரிவித்துள்ளார்.

பாராளுமன்றத்திற்கு அருகில் OIC யின் இரண்டு விரல்கள் சேதம் - ஆர்ப்பாட்டம் நடத்திய 2 பேர் கைது


பாராளுமன்றத்திற்கு அருகில் நேற்று இடம்பெற்ற ஆர்ப்பாட்டத்தின் போது அதனை தடுத்து நிறுத்த முயற்சித்த மஹரகம பொலிஸ் நிலைய பொறுப்பதிகாரி படுகாயமடைந்துள்ளதாக தெரிவிக்கப்படுகிறது. 

பொலிஸ் ஊடக பேச்சாளரும், சிரேஷ்ட பிரதி பொலிஸ்மா அதிபருமான அஜித் ரோஹண இதனை தெரிவித்தார். 

தொடர்ந்தும் கருந்து தெரிவித்த அவர், 

பொலிஸாரின் ஆணையை மீறி ஆர்ப்பாட்ட காரர்கள் முன்னோக்கி நகர்ந்த போது வீதித் தடைகள் போடப்பட்டிருந்தன. அவற்றை தகர்த்துத் தள்ளி ஆர்ப்பாட்டக்காரர்கள் முன்னோக்கி செல்ல முயற்சித்தனர். 

இதன்போது, மஹரகம பொலிஸ் நிலைய பொறுப்பதிகாரி படுகாயமடைந்த நிலையில் வைத்தியசாலையில் அனுமதிக்கப்பட்டார். 

அவரின் இரண்டு விரல்கள் சேதமடைந்துள்ளதாக பொலிஸ் ஊடக பேச்சாளர் தெரிவித்தார்.

2

முன்னிலை சோசலிச கட்சியின் நிர்வாக செயலாளர் மற்றும் அக்கட்சியின் மற்றுமொரு உறுப்பினர் உட்பட இருவர் கைது செய்யப்பட்டுள்ளதாக தெரிவிக்கப்படுகின்றது. 

நேற்று பாராளுமன்ற சுற்றவட்டத்திற்கு அருகில் இடம்பெற்ற ஆர்ப்பாட்டத்தின் ​போது வன்முறையில் ஈடுபட்டமை தொடர்பில் குறித்த நபர்கள் கைது செய்யப்பட்டுள்ளனர்.